مـــــــــواويــــــــــل ... مـــعــــنــى ..
* * *
لا تذكر الي مايذكرك .. ولا توكلش زاد الويل
عش بالكرامة وانتخي .. وحب المكارم والكرام
موت بكرامة عالكرم .. لا تقعد بمجلس بخيل
وحب الذي بيعلمك .. درب الشرف والاحترام
ولا تتهم قبل الفهم .. واعطي البشر منك دليل
ولا تبدي بدرب الحرب .. ظل ابتدي بدرب السلام
* *
دور على صاحب وفي .. وقدر وفا الرجل الاصيل
في ناس لما بتألفك .. بتألفك مثل الحمام
حب الشجاعة والثنا .. واقعد مع الرجل النبيل
وفكر بحق الناس عندك .. قبل ماعينك تنام
ماحد بيظل بسعادة .. بينام بالليل الظليل
الشمس تيجي بالصباح .. والليل يجي بالظلام
**
اياك لاتنسى رجل عامل معك ذرة جميل .. واياك لا تبدل حلالك في ملذات حرام
اياك لاتنسى رجل عامل معك ذرة جميل .. واياك لا تبدل حياتك في ملذات حرام
عز الاخو .. عز الصديق .. عز ال**** ..وقدر لكل شيخ عجوز .. مقدر وصاحب مقام
هذي الحياة رحلة سفر .. لا بد من يوم الرحيل
دنيا وهيك مرتبة .. والله عمل كل النظام
**
اي لا تظن حالك بالسما .. ومافي حدا مثلك مثيل
مافي حدا سالم بها .. من التوجع والالام
اليوم انت بالشباب .. ومن بكرة ياشيخ الجليل
الدنيا غرورة يا أخي .. والعز فيها مش دوام
سبحان الله بالسما .. لجبال اذا بده بيزيل
عامل صديقك بالثنا .. والاحترام باحترام
**
اياك تقعد بالديوان .. وتجلس بمجلس ذليل
واياك تحكي عالبشر .. تتحمل بكل الاثام
حمل الرجل عند الرجل .. مهما يخف وزنه ثقيل
اعبد الهك يااخي .. وبيوم لا تعبد اصنام
خليك فارس وانتخي .. وحصان في يوم الصهيل
شرفك على كتفك اوضعوا .. عجبينك دقوا وسام
**
لا يغرك الرجل الفقير .. ان كان في بيتك نزيل
وكنو ثيابه مهتري .. وحامل بقلبه الالام
كم من ملك فوق العرش .. بيحمل الدنيا وبشيل
قضى حياته بالملك .. نايم على ريش النعام
لمن اجاله بليلته بتالي الليالي عزرائيل .. فات الارض تحت التراب تغطى بالاحجار ونام
**
الله الله من حكم الزمن .. لما الزمن بدو يميل
ترجع بخطوة للخلف .. وتعود خطوة للامام
الدنيا مثل القنبلة .. ولا تشعلش راس لفتيل
الناس طيبه معك .. والعقل وزنه بالغرام
في ناس لوحكيت معك .. كلماتها تشفي الغليل
وفي ناس لو حكيت معك .. كلماتها مثل الاصنام
في ناس تبني بالبيوت .. وتزرع قباله اقليل
وفي ناس تكبر بالفعل .. وفي ناس تكبر بالكلام
وفي ناس تنسى مودتك طول الليالي مستحيل ..
وفي ناس مابين البشر صورة على شكل الافلام ..
شوف الكريم بدرانا يومه مثل عيد الفضيل ..
الدنيا اشو بها غير الكرم وود الكرام
...
روعــــــــــــــــــــــــــــــــــــــــــــــــــــه الكــــــــــــــــــــــــــــــــــــــــون